Маңғыстау күйлерін насихаттаушы А. Жаңбыршымен кездесу кеші

• 0
• Оқылған саны: 5709

28 ақпан күні Қ.Сыдиықов атындағы Маңғыстау облыстық әмбебап кітапханасында "Домбыраның қоңыр үні" атты өлке домбырашыларымен кездесу кеші өтті. Кештін құрметті қонағы: күйші-сазгер, педагог, орындаушы, өнер зерттеушісі, Маңғыстау күйлерін насихаттаушы Айтберген Жаңбыршы Әбілұлымен бірге Маңғыстау өнер колледжінің "Халық аспаптар" бөлімінің 1,3,4 курс студенттері келіп, күйші-композитор, домбырашы, сазгер, ақын Мұрат Өскенбайұлының "Жеңіс", "Маңғыстау", "Өрлеу", "Құдаша", "Аттаныс" т.б күйлерін орындап, күйшінің өмір жолынан, күйлерінің шығу тарихынан деректер айтып кетті.  Өнер бөлімінің қызметкері Г.Егінбергенова қатысушыларға, №9 орта мектеп оқушылары мен, кітапхана қызметкерлеріне,  А.Жаңбыршының құрастыруымен  жарық көрген "Нарату", "Адайдың ырғамасы",  "Мен қашанғы жүйрігің", "Қарасай, Қази" атты кітаптарын  таныстырды.