«Бір өлке – бір тұлға» жобасы

• 0
• Оқылған саны: 2793

8 қазан күні облыстық кітапханасының Өлкетану залында «Бір өлке – бір тұлға» жобасы аясында ақын, Қазақстанның еңбек сіңірген қайраткері, Махамбет атындағы халықаралық сыйлықтың,, «Құрмет» орденінің иегері, Халықаралық “Алаш” әдеби сыйлығының лауреаты Сабыр АДАЙмен “Әр қазақ - менің жалғызым” атты кездесу кеші өтті. Әдеби кешке өлкеміздің зиялы қауым өкілдері қатысты. Маңғыстау облыстық филармониясының әншісі Әзімхан АДАЙ, Маңғыстау Өнер колледжінің студенті Сұңқар АМАНДЫҚ ағаның сөзіне жазылған ән мен жырдан шашу шашты. Студенттер, хабарландырудан көріп арнайы дайындалып келген кітап сүйер оқырмандар көркемдеп өлең оқыды. Кеш иесі қонақтарға, өнер көрсеткен жастарға соңғы жарық көрген кітаптарын тарту етті. Шараға 109 адам қатысты.

17 қазан күні Өлкетану залында жас оқырмандарды, жалпы өлең сүйер қауымды осындай ақынның кешіне тарту, өлеңдерін оқуға наихаттау, шығармашылымен таныстыру мақсатымен ақын, ұлағатты ұстаз Светлана Мұқышеваның «Жырларым – сырларым» атты әдеби шығармашылық кеші өткізілді. Шараға ақынның кітабына алғы сөз жазған ақын, Жазушылар Одағының мүшесі Шора Тәжіғали қатысты. Шара барысында ақынның өлеңдері оқылып, өмірбаяндық бейнебаян көрсетілді. Шараға 32 адам қатысты.

«Жеті қайқының» бірі, Өскінбай Қалманбетұлы — қазақ күй өнерінің біртуар тұлғасы, оның шығармалары ғасырлар бойы ұрпақтан ұрпаққа өтетін рухани мұра болып табылады. 19 қазан күні Өлкетану залы  күйші Өскінбай Қалманбетұлының туғанына 165 жыл толуына орай  "Өнерді жасымыздан өрнек еттік” атты онлайн ақпаратты оқырмандарға ұсынылды. Онлайн ақпарат сағатында кітапханашылар Өскінбай Қалманбетұлының өмірі мен шығармашылығын еске ала отырып, оның ұлт мәдениетіне қосқан зор үлесін тағы да бір рет атап өтті.