«Отбасы – руханияттың алтын бесігі»

• 0
• Оқылған саны: 1595

Кітапханамыздың оқу залы мен мерзімді басылымдар бөлімі ұйымдастыруымен отбасы күніне орай «Отбасы – руханияттың алтын бесігі» атты рухани-танымдық шара өткізілді.

Шараның негізгі мақсаты – отбасы құндылықтарын насихаттау, ата-анаға деген құрметті арттыру, ұлттық тәрбие мен салт-дәстүрдің отбасындағы маңызын түсіндіру, жас ұрпақты адамгершілікке, мейірімділікке және отбасылық жауапкершілікке тәрбиелеу.

Шараға  арнайы қонақ ретінде «Құтты білік» орталығының ұйымдастырушысы, «Отбасы хрестоматиясы» кітаптар сериясын насихаттаушы Мәулен Мақсотұлы қатысты. Қонағымыз «Отбасы хрестоматиясы» жобасы аясында жарық көрген еңбектерге тоқталып, ұлттық психология мен дәстүрлі тәрбиенің заманауи отбасындағы маңызын тереңнен түсіндірді.

«Отбасы – руханияттың алтын бесігі» атты рухани-танымдық шара қатысушыларға рухани азық сыйлап, отбасылық құндылықтарды ұлықтауда үлкен әсер қалдырды. Кеш соңында қатысушылар ұйымдастырушылар мен шара қонағына ризашылықтарын білдірді.

https://www.instagram.com/mangystau_kitapkhana/reel/DdJBOwnImWP/