«Менің Отаным - Қазақстан»

• 0
• Оқылған саны: 4363

Облыстық кітапханасының Балалар әдебиеттер бөлімінде 8-қазан күні балалар ақыны Ө.Ақыпбекұлының өмірі мен шығармашылығын таныстыру, ақындық талантын оқушыларға насихаттау, поэзия әлеміне, сөз өнеріне сүйіспеншіліктерін арттыру мақсатымен «Жырымен әлдилеген баланы» атты поэтикалық марафон өткізілді. Шараға қаламыздағы № 33 мектептің 4-сынып оқушылары, «Advanta kz» білім лицейінің 4-сынып оқушылары қатысып, ақынның өлеңдерін мәнерлеп жатқа оқыды, интеллектуалды сұрақтарға жауап берді, жасанды интеллект презентациямен дайындалған ақынның өмірінің естеліктерімен танысты. 

23-қазан күні  25 қазан – Республика күніне орай оқушыларды өз Отанын сұюге, туған халқының тілін, мәдениетін, салт-дәстүрін қастерлейтін саналы да парасатты азаматтар тәрбиелеу. Елін, Туын, Елтаңбасын, Әнұранын қастерлеуге, өз елін, тарихын білуге тәрбиелеу мақсатымен «Менің Отаным - Қазақстан» атты әдеби-сазды кеш өткізілді. Шараға қаламыздағы IT лицейінің, № 8 орта мектептің оқушылары қатысып, көрнекті ақындардың Отан, Республика туралы өлеңдерін мәнерлеп жатқа оқыды, ребустар шешті. Балаларға арналған «Аяулы – Отан, ардақты елім» атты көрме жасақталып таныстырылды.  Өнер көрсеткен баларға алғыс хаттар,кітаптар табысталды.                            

30-қазан күні «Бір ел – бір кітап» 2025 акциясы аясында көрнекті  ақын, жазушы, композитор, ел рухын жырлаған тұлға -  Жұмекен Нәжімеденовтің шығармашылығына арналған шара өткізілді.  Шараға № 13 мектеп-гимназиясының оқушылары, ата-аналары  қатысты. Балалар ақынның Отан туралы, патриоттық өлеңдерін мәнерлеп жатқа айтты, өлеңдеріне арнап жасалған ребустарды шешті.